Deputat: "ABŞ sabah Avropanın istənilən bir ölkəsini Rusiya ilə toqquşdura bilər"

Rusiya gələcəkdə G8 birliyinə yenidən qoşula bilər

Bunu Rusiya prezidenti Putin deyib. Ancaq Putin onu da etiraf edib ki, ABŞ deyəndən sonra bu mümkün ola bilər.

Rusiya-ABŞ münasibətlərini Millət vəkili Zahid Oruc Ölkə.az-a şərh edib.

Zahid Oruc: "Qərb mediasında sifarişdən kənar yazıların hamısında həqiqət böyükdür. Rusiya regional və beynəlxalq siyasətə dair əsas çağırışlarını verməklə dünyanın bu cür bölgüsündən narazı olduğunu ortaya qoyub. ABŞ-ın buna qarşı gedən siyasəti ilə Rusiya hər zaman toqquşacaqdır. Ona görə də, geri çəkilməni gözləmək düzgün deyil, reallıqlarla barışmaq, Ukraynanın taleyini Qərbə tapşırmaq, Avropa Birliyinin sərhədlərini Rusiyanın divarlarına qədər gətirib çatdırmaq, NATO-nun infrastrukturunun orada qurulmasına dözmək Rusiyanın işi deyil. Gələcəkdə Ukrayna üzərindən konfrantasiyanın biraz da dərinləşdiyini görəcəyik. ABŞ hal-hazırda Avropa ilə mühüm bir xətti, "transatlantik iqtisadi doktrinalar"ı həyata keçirir. Bunun mahiyyəti odur ki, Rusiyanın Avropa bazarından tamamilə sıxışdırılıb çıxarılması və özlərinin hegemoniyasına nail olmasıdır. "Türk axını" layihəsinə görə bütün Avropanı Rusiyanın üzərinə qaldıran, sanksiyalar tətbiq edən ABŞ, sabah Avropanın istənilən bir ölkəsini Rusiya ilə toqquşdura bilər.

Dünən NATO-nun mənzil qərargahından verilən açıqlama bundan ibarət idi ki, Putin desədə ki, biz konfiliktlərə getmiyəcəyik, NATO ilə müharibə tam dəlilik olardı, ancaq Rusiyanın təyyarələri min dəfələrlə NATO-ya daxil olan ölkələrin hava məkanını pozub. Bu ölkələr içərisinə Baltikyani ölkələr, Şərqi Avropa və Finlandiya da daxildir. Gündəlik təlimlər, uçuşlar bunu sübut edir ki, Rusiya nələrə hazırlaşır. Rusiyanın məlum "Armata" tankı neçə illərdir ki, hazırlanırdı. "Armata" tankı dağlıq coğrafiyalara yox, məhz Avropa relyefinə uyğun qurulmuş bir tankdır. Yəqin ki, buna uyğun planlar, strategiyalar var ki, buna uyğun resus da hazırlayıblar. Yoxsa Avropada hərəkət edə biləcək tank Rusiyanın nəyinə lazım idi?".

Səxavət Məmməd
Ölkə.az