Politoloq: "Bərzaninin dəstələri Kərkük türklərinə qarşı sözün əsl mənasında soyqırım həyata keçirir"

Yunanıstan müdafiə naziri bəyan edib ki, əgər biz referendumda avropaya baş əysək, Türkiyə Yunanıstanı işğal edəcək. Bundan əlavə Türkiyə sərhəddini İŞİD və PYD pozmağa başlayıb.

Politoloqlar iddia edir ki, bəzi qüvvələr Türkiyəni İŞİD-lə müharibə başlatmağa çalışırlar.

Regionda baş verən prosesləri politoloq Qabil Hüseyinli Ölkə.az-a şərh edib.

Qabil Hüseynli: "Yunanıstanda avanurist, gerçəkliyi qəbul etməyən, öz ölkəsinin əhalisini çalışdırmaq əvəzinə başqalarının hesabına yaşamaq istəyən bir hakimiyyət var. Yunanıstanda referendum keçiriləcək. Yunanıstanın müdafiə nazirini bəyan edib ki, əgər biz referendumda Avropaya baş əysək, Türkiyə Yunanıstanı işğal edəcək. Bu fikir sarsaqlıqdan başqa bir şey deyil. Avropa Birliyi ilə Yunanıstan arasında yaranan ziddiyyətlərin Türkiyəyə heç bir dəxli yoxdur.

İŞİD-in kürdlərlə birgə Suriya ərazisində Türkiyə sərhəddində törətdikləri kifayət qədər diqqət çəkicidir. İŞİD Kobaniyə girən zaman Türkiyə o şəhərin azad olunması üçün kürdlərə lazımi köməklik göstərdi. Türkiyə Şimali İraqdakı kürd peşmərgələrinin Türkiyə ərazisindən keçərək Kobaniyə gəlməsinə icazə verdi. Bundan əlavə Türkiyə bəzi yerlərdə İŞİD-in hərəkətlərini məhdudlaşdıracaq tədbirlər gördü. Bundan sonra kürdlər güclənməyə başladı. PKK-nın Suriya qolu PYD silahlanıb, ABŞ-da onlara dəstək göstərir. Bundan əlavə Bərzani də onlara dəstək göstərir. ABŞ Bərzaniyə müstəqil Kürdüstan yaratmaq sözü verib. ABŞ-ın kürdlərlə oynadığı oyun çox iyrənc oyundur. Bu oyunlar bölgədəki hadisələri qızışdırır.

İŞİD-i Türkiyənin üzərinə salan PKK-nın Suriya qolu olan PJK-dır. Burada Bərzaninin də rolu ola bilər. Bu oyunlar o deməkdir ki, Türkiyə İŞİD-ə qarşı müharibəyə başlasın. Bu İŞİD o qədər müəmmalıdır ki, çünki hər tərəfdən blokadıya alınan bir qrum insan ehtiyatlarını haradan alır, necə silahlanır bunun mənbələrini tapmaq lazımdır. İŞİD-in Türkiyəyə hücum etməsi, intihardır. Bu hücum İŞİD-ə ölümcül zərbə vurulmasını hazırlayır. Türkiyə Suriya ərazilərinə 30 km irəliləyib. Türkiyə orada qırmızı xətt, tampon bölgə yaradıb. O tampon bölgəyə yaxınlaşan İŞİD Türkiyə tərəfindən məhv ediləcək.

Bərzaninin dəstələri Kərkük türklərinə qarşı sözün əsl mənasında soyqırım həyata keçirir. Türkləri oradan qovub, kürdləri yerləşdirirlər. Türkiyə bunlarla bağlı xəbərdarlıq edib, ancaq kifayət qədər mübarizə aparmır. Artıq İŞİD-in sonu yaxınlaşır, Türkiyə bu proseslərdə həlledici rol oynayacaq".

Səxavət Məmməd
Ölkə.az