Zeman İlham Əliyev ilə görüşə gəlir

Çexiyanın prezidenti Miloş Zeman gələn həftə, Çexiyaya əsas neft ixracatçısı olan Azərbaycana səfərə gələcək.

M.Zeman Bakıda prezident İlham Əliyev ilə görüşəcək və sahibkarlıq seminarında iştirak edəcək.

Çexiya rəhbəri ilə Azərbaycana onun həyat yoldaşı İvana da gələcək. Zemanın proqramını onun mətbuat katibi Yirji Ovçaçek açıqlayıb.

Zeman Azərbaycana bazar ertəsi, axşam yola düşəcək. Çərşənbə axşamı o, Çexiyanın Bakıdakı səfiri ilə görüşəcək. Həmin günün ikinci yarısında Çexiya və Azərbaycan prezidentlərinin görüşü, milli nümayəndə heyətlərinin danışıqlar və təntənəli şam yeməyi planlaşdırılıb. Çərşənbə günü Zeman Əliyev ilə sahibkarlıq seminarını açacaqlar.oxu.az

Ölkə.Az