Arayik Arutyunyan qondarma vəzifədən qaçışının səbəbini açıqlayıb

Bu gün dünyada qeyri-sabit geosiyasi vəziyyət, regional hadisələr və proqnozlaşdırılan inkişaflar, Qarabağ və ətrafında baş verən hadisələr, Qarabağın daxili siyasi və sosial atmosferi birbaşa yanaşma və addımların dəyişdirilməsinə, çeviklik nümayiş etdirilməsinə ehtiyac olduğunu göstərir. 

“Ölkə.Az” xəbər verir ki, bunu quldurbaşı olmuş Arayik Arutyunyan qondarma vəzifəsindən getməsinin səbəblərini açıqlayarkən deyib.

Əlavə edib ki, yuxarıda göstərilənlərə nail olmaq üçün Qarabağda ondan başlayaraq əsas aktorları dəyişmək lazımdır.

“Mənim tərcümeyi-halım və Azərbaycanın ona münasibəti süni surətdə bir sıra şərait yaradır. Bu, növbəti addımlarımızı qurmaq, çevik siyasət yürütmək baxımından ciddi problemlər ortaya çıxarır”, - o deyib.

Arutyunyan eyni zamanda əlavə edib ki, müharibədəki məğlubiyyət və ondan sonra ölkədə baş verən çətinliklər ona olan inamı xeyli azaldıb və sonrakı gedişata ciddi əngəl törədib: “Ona görə də dəyişiklik məndən başlamalıdır. Son həftələrdə bütün daxili və xarici aktorlarla, geniş ictimaiyyətlə qarşılıqlı əlaqələrimi nəzərə alaraq bu son qərarı iki gün əvvəl verdim”.

Xatırladaq ki, oxşar qondarma vəzifələrdə olan Nersisyan və Beqlaryan “postlarını” tərk ediblər. Onların qaçışı kriminal rejimin süqutu olmasa da, bu yöndə addımlardan biri hesab etmək olar.

Mürtəza
Ölkə.Az