İlham Əliyev kralı təbrik etdi

“Daim əmin-amanlıq və firavanlıq arzulayıram”.

Azərbaycan prezidenti İlham Əliyev Səudiyyə Ərəbistanının kralı Əlahəzrət Salman bin Əbdüləziz Al Səudu ölkəsinin milli bayramı münasibəti ilə təbrik edib.

Dövlət başçısının məktubunda deyilir:
 
“Əlahəzrət, əziz qardaşım, Səudiyyə Ərəbistanının milli bayramı – Krallıq elan edilməsi günü münasibətilə Sizi və Sizin simanızda bütün xalqınızı şəxsən öz adımdan və Azərbaycan xalqı adından ürəkdən təbrik edirəm. Bu bayram günündə sizə möhkəm cansağlığı, xoşbəxtlik və uğurlar, Səudiyyə Ərəbistanının qardaş xalqına daim əmin-amanlıq və firavanlıq arzulayıram”.
 
Dövlət başçısı həmçinin Səudiyyə Ərəbistanı Krallığının vəliəhdi, baş nazirin müavini, daxili işlər naziri Məhəmməd bin Nayif bin Əbdüləziz Al Səuda təbrik məktubu ünvanlayıb: 

“Əlahəzrət, əziz qardaşım, ölkənizin milli bayramı – Krallıq elan edilməsi günü münasibətilə sizə və xalqınıza səmimi təbriklərimi yetirirəm. Bu əlamətdar gündə sizə möhkəm cansağlığı, işlərinizdə uğurlar, qardaş xalqınıza daim sülh və rifah diləyirəm”.

Ölkə.Az