Paşinyandan  “Zəngəzur dəhlizi” ilə bağlı yeni açıqlama: "Bu olarsa, biz hazırıq"

Ermənistan Azərbaycanla bütün kommunikasiya və nəqliyyat yollarını açmağa hazırdır.

“Ölkə.Az” xəbər verir ki, bunu Ermənistan baş naziri Nikol Paşinyan Avropa Parlamentində çıxışı zamanı deyib.

Onun sözlərinə görə, yollar keçid məntəqələrində sərhəd və digər müvafiq nəzarət xidmətləri ölkələrin yurisdiksiyası, suverenliyi, qanunvericiliyi, qarşılıqlı bərabərlik prinsipi əsasında açılmalı və fəaliyyət göstərməlidir. 

“Bu olarsa, o zaman biz təkcə Azərbaycan və Ermənistanı deyil, həm də Ermənistanın cənub rayonlarını birləşdirəcək Meğri dəmir yolunu, Azərbaycanın cənub-qərb rayonları Ermənistan Naxçıvan Muxtar Respublikası ilə şimal-qərb rayonları, bundan sonra Türkiyə - Azərbaycan, Türkiyə - Gürcüstan - Azərbaycan - Ermənistan-İran, şərqdən qərbəbə doğru Xəzər dənizi ilə Aralıq dənizi arasında yolların bərpasında maraqlıyıq”, - Paşinyan qeyd edib.

Paşinyan bu layihəni “Ermənistan kəsişməsi” adlandırıb. O eyni məntiqlə avtomobil yollarının da açılmasına hazır olduğunu dilə gətirib: “Ermənistan öz ərazisindən yüklərin, nəqliyyat vasitələrinin, insanların, boru kəmərlərinin, elektrik xətlərinin təhlükəsizliyini təmin etməyə hazırdır, çünki sülhün kəsişməsi başqa şeylərlə yanaşı, boru kəmərlərinin və elektrik xətlərinin keçməsini nəzərdə tutur. 
Bu cür həll yolları Ermənistan üçün çox vacibdir, çünki ölkəmiz 30 ildir Azərbaycan və Türkiyə tərəfindən mühasirədədir”.

Mürtəza
Ölkə.Az