Prezident çıxışı zamanı qəhərləndi: Yaddaşımızdan silinməməlidir, silinməyəcəklər! - VİDEO

Xəbər verdiyimiz kimi, Prezident İlham Əliyev oktyabrın 17-də Füzuli Şəhəri Günündə şəhərə köçmüş sakinlər və rayon ictimaiyyətinin nümayəndələri ilə görüşüb.

Ölkə.Az xəbər verir ki, dövlət başçısı çıxışı zamanı əsgər və zabitlərimizdən danışarkən duyğulanıb.

Azərbaycan lideri deyib: “Dövlətin nə qədər gücü olsa, nə qədər silahı olsa, nə qədər düzgün hərbi əməliyyatlar planlaşdırılsa da, Qələbəni əldə edən əsgərdir, zabitdir. O (əsgər, zabit – red.) gedir, o, sinəsini qabağa verir, o, ölümə gedir və Bayrağı da qaldıran odur. Onların qəhrəmanlığı bizim yaddaşımızdan heç vaxt silinməməlidir və silinməyəcək”.

Prezidentin çıxışı zamanı kövrəlməsi, səsinin titrəməsi və göz yaşlarına hakim olması diqqət çəkib.