Azərbaycanın təzyiqi ilə həyata keçiriləcək - Erməni deputat
“Danışıqların alternativi müharibədir. Təəssüf ki, 2020-ci ilin 44 günlük müharibəsindən əvvəl danışıqlarda uğursuzluqlar oldu”.
Ölkə.Az xəbər verir ki, bunu Ermənistan parlamentinin deputatı Artur Xaçatryan Tehranda "3+3" formatında keçirilən görüş barədə danışarkən deyib.
Onun sözlərinə görə, Paşinyan hakimiyyəti bütün danışıqlar prosesini iflasa uğratdı.
“Bütün müttəfiqlərini itirdi və yeni müttəfiqlər qazana bilmədi. Danışıqlardan uzaqlaşmazdan əvvəl alternativin nə olduğunu başa düşməlisiniz. Deməli, danışıqlara getmək düzgün addımdır, amma vacib olan danışıqlar masasının harada olması deyil, vacib olan danışıqlar masasında nəyin olmasıdır”, - deyə deputat bildirib.
O qeyd edib ki, indiki hakimiyyət KTMT və MDB platformalarını boykot edir.
“Onlar “erməni qovşağı” haqqında danışırlar. Hələ ötən ilin fevralında mən hesablamaların olub-olmaması ilə bağlı sorğu göndərmişdim və Ermənistan Ərazi İdarəetmə Nazirliyi cavab verdi ki, bu barədə texniki nəzəri araşdırma başa çatdıqdan sonra danışmaq olar, yəni bu araşdırma olmadan açıqlama vermək məntiqsizdir. Hesablamalarım göstərir ki, yaxşı şey gözləməyə dəyməz. Azərbaycan İcevan-Qazax marşrutu əvəzinə daha qısa - cənubda Zəngəzur yolu əldə etmək istəyir. Görünən odur ki, bu, Azərbaycanın təzyiqi ilə həyata keçirilir”, - deyə deputat bildirib.
Mürtəza
Ölkə.Az
