İrəvanın Bakıya verdiyi söz… - Ərdoğan

“Qlobal çağırışlarla mübarizəmizdə ən mühüm gücümüz türk dünyasının birliyi, həmrəyliyidir. Bu həqiqəti son vaxtlar rastlaşdığımız bir çox hadisələrdə görmüşük və görməkdə də davam edirik. Vətən müharibəsindən sonra Azərbaycan Qarabağda 30 ildir davam edən işğala tamamilə son qoydu”.

Ölkə.Az xəbər verir ki, bunu Türkiyə Prezidenti Rəcəb Tayyib Ərdoğan Astanada çıxışı zamanı deyib.

“Biz bu tarixi nailiyyətdən böyük qürur və fərəh hissi keçiririk. Beləliklə, biz regionumuzda olacaq daimi sülhə bir addım daha yaxınlaşmışıq. Açılan fürsət pəncərəsindən yararlanmaq bizim ən böyük arzumuzdur. Ermənistanın Azərbaycan qarşısında götürdüyü öhdəlikləri yerinə yetirməsi vacibdir. Naxçıvanı Azərbaycanın qərb rayonları ilə birləşdirəcək nəqliyyat xəttinin həyata keçirilməsi də böyük əhəmiyyət kəsb edir. Xəttin açılması həm bölgədəki bütün ölkələrin rifahına mühüm töhfə verəcək, həm də Türkiyəni dədə-baba yurdumuz olan Orta Asiya ilə birləşdirəcək”, - prezident Ərdoğan qeyd edib.

Mürtəza
Ölkə.Az