Bu gün AŞPA-nın payız sessiyası başlayır

Rafael Hüseynov hesabatla çıxış edəcək

Ölkə.Az xəbər verir ki, bu gün Strasburqda Avropa Şurası Parlament Assambleyasının payız sessiyası start götürür.

Sessiya oktyabın 2-nə kimi davam edəcək. Avropada miqrasiya və qaçqın böhranına humanitar və siyasi cavab, real Avropa sığınacaq sistemi üçün mühüm addımlar, tranzit ölkələri üçün problemlər və digər mövzular müzakirə ediləcək.

Sessiyada Azərbaycanın AŞPA-dakı nümayəndə heyətinin üzvü Rafael Hüseynov "Demokratik cəmiyyətdə birgə yaşamaq və din azadlığı" adlı hesabatla çıxış edəcək.

Xatırladaq ki, bu gün BMT-nin qərargahında Baş Assambleyanın 70-ci sessiyası çərçivəsində ümumi siyasi müzakirələrə start veriləcək.

Oktyabrın 3-nə qədər davam edəcək siyasi müzakirələrdə 144 dövlət və hökumət başçısının, 46 xarici işlər nazirinin çıxışı baş tutacaq.

Rəşid Mustafazadə

Ölkə.Az