Sensasion etiraflar: Amerikalı şərhçi "hədəf Azərbaycandır" dedi - TƏFSİLAT
“Bu gün ABŞ-nin əsas məqsədi heç də Ermənistana yardım etmək deyil. Əsas hədəf Azərbaycandır. İrəvan, sadəcə, Vaşinqtona Bakıya təzyiq edib maraqlarını təmin etmək üçün bir vasitədir”.
Ölkə.Az xəbər verir ki, bunu amerikalı siyasi şərhçi və geosiyasət sahəsində ekspert Con Varoli deyib.
Ekspert deyib ki, ABŞ dünyada münaqişələrin alovlanmasında maraqlıdır:
“Götürün Yaxın Şərqi - İsrail-Fələstin münaqişəsini... 70 ildir ki, münaqişə davam edir. Hesab edirsiniz ki, bu münaqişənin həll etmək olmaz? Münaqişənin həlli ABŞ-nin maraqlarına uyğun deyil.
Bu, eyni zamanda Ermənistan-Azərbaycan münaqişəsinə aiddir. ABŞ-nin strategiyası bundan ibarətdir ki, münaqişə davam etsin.
Rusiya-Ukrayna münaqişəsinin davam etməsi marağımızdadır. Bu münaqişlərdən ABŞ həm yaxşı pul qazanır, həm də münaqişləri alovlandırıb tərəfləri zəif salmaqla öz diktəsini həyata keçirir. O baxımdan da ABŞ dünyanın müxtəlif yerlərində münaqişləri qızışdırır.
Rusiya-Ukrayna müharibəsindəki istəyi isə Rusiyanı diz çökdürməkdir.
Elə İrəvan Bakı arasında sülhə mane olmaqla hədəfi Rusiyanı zəiflətmək və diz çökdürməkdir. Ermənistan-Azərbaycan münaqişəsindən həm də İranı qarşı planlarımız həyata keçirməkdir”.
2024-cü ildə ABŞ-də keçiriləcək prezident seçkilərinin baş verən proseslərə təsirinə gəldikdə ekspert qeyd edib ki, seçkilər xarici siyasətə təsir etmir: “ABŞ-nin xarici siyasəti qısa müddətli və ya hər seçkidən-seçkiyə müəyyən edilmir, bu, uzunmüddətlidir, 30-50 ili əhatə edir. Ona görə də kimin prezident seçilməsindən asılı olmayaraq həmin siyasət davam edir və edəcək.
Lakin burada başqa bir məqam məni narahat edir. Bu həm ağrılıdır, həm də dəhşətlidir. Çünki ABŞ-nin xarici siyasətindən yaxşı heç nə gözləmirəm. Bir amerikalı kimi ölkəmin güclü olmasından qürur duymalıyam. Amma və lakin... Bir daha qeyd edirəm ki, ABŞ dünyada münaqişələri qızışdırmaqla həmin bölgələrdə maraqlarını təmin etməyə, dünya imperiyası qurmağa çalışır. Bəli, bu gün o həqiqəti də etiraf etməliyik ki, ABŞ bir imperiyadır. Yürütdüyü siyasət də imperiya siyasətidir. Dünyada hökm sürmüş digər imperiyalar kimi... Bax, ABŞ belə bir ölkədir. Bir çox ölkə insanları düşünür ki, ABŞ gəldi, hər şey yaxşı olacaq, amma yanılırlar. Hər şey əksinə baş verir. Götürün elə İraqı, Əfqanıstanı, Suriyanı, Liviyanı və digər ölkələri. Görün, hansı vəziyyətdədirlər”.
Növbəti ildə ABŞ-də keçiriləcək prezident seçkilərində kimin qalib gələcəyi ilə bağlı sualı cavablandıran ekspert deyib ki, kimin prezident seçiləcəyi önəmli deyil, amma seçkilərdə demokratlar qalib gələcək: “Bu, birmənalıdır”.
Mürtəza
Ölkə.Az
