Aİ-nin bu qərarı bölgədə müharibənin alovlanmasına xidmət edir

"Avropa İttifaqının (Aİ) Ermənistan Silahlı Qüvvələrinə dəstək məqsədilə 10 milyon avro məbləğində yardım göstərmək barədə qərarı Qərbin bir daha Cənubi Qafqazda dayanıqlı sülhdə və sıx əməkdaşlığa deyil, gərginliyin davam etməsində maraqlı olduğunun sübutudur. Çünki Aİ Avropa Sülh Fondu adı altında Ermənistana ilk dəfə belə bir yardım edir. Hətta qərar da Aİ tərəfindən yerləşdirilən beynəlxalq hərbi missiya və əməliyyatlarda gələcəkdə mümkün iştirakı halında onun silahlı qüvvələrinin qarşılıqlı fəaliyyətini sürətləndirmək məqsədi daşıması kimi fikir də yer alıb. Verilən qərardan da aydın görünür ki, bu bölgədə sülhə deyil, Ermənistanın sürətlə silahlandırılmasına və nəticə etibarilə bölgədə müharibənin alovlandırılmasına xidmət edir".

Bunu Ölkə.Az-a açıqlamasında VI çağırış Milli Məclisin deputatı Kamran Bayramov deyib.

Onun sözlərinə görə, Aİ əslində sülh adı daşıyan bir qurum vasitəsi ilə Cənubi Qafqazda yeni böhran yaratmağa və bölgə ölkələri arasında təxribat yaratmaqla müharibəyə sürükləməkdir. "Qərb bu cür addımları ilə ölkələri silahlandırıb təxribatlara cəlb etməklə öz sümürgən, neokolonist siyasətlərini həyata keçirib maraqlarını təmin etməyə çalışırlar”, - o qeyd edib.

Bayramov onuda əlavə edib ki, ona görə də başda Fransa olmaqla bəzi digrə ölkələr məqsədyönlü şəkildə Ermənistanı silahlandırma yolunu seçiblər: "Son bir ildə Hindistan vasitəsilə Ermənistanın silahlandırılması, Hindistandan 600 milyon dollar həcmində silah alması da bunun bariz nümunəsidir. Ermənistanın sürtələ silahlanmasının arxasında isə Fransa kimi ölkələrin bölgədə məkrli planlarının həyata keçirilməsi dayanır. Bunun üçün də həmin ölkələr dezinformasiya siyasətindən istifadə edərək həyata keçirməyə çalışırlar. Cənab Prezidentin bu günlərdə Şuşada baş tutan "Yalan məlumatların ifşası: Dezinformasiyaya qarşı mübarizə” mövzusunda 2-ci Şuşa Qlobal Media Forumunda bəyan etdiyi kimi, Azərbaycan haqqında yanlış narrativlər yayırdılar və Azərbaycanı reallıqdan çox uzaq olan bir şəkildə təqdim etməklə istəklərinə nail olmağa çalışırlar. Amma nədənsə Avropa ölkələri 30 il Ermənistanın Azərbaycana qarşı işğalı davam etdiyi bir zamanda belə bir addım atmırdılar. Əksinə Qərb Azərbaycanı güzəştə gedib işğal faktı ilə barışmaq üçün ən müxtəlif təzyiq vasitələrinə, hətta sanksiyalarla hədələyirdilər. Sanksiyalar tətbiq etməkdən belə çəkinmirdilər. Məlum "907-ci düzəliş" bunun nümunəsidir.

İkinci Qarabağ savaşından da sonra bu qələbəni həzm edə bilməyən Qərb ölkələri Azərbaycanı dünyada təcavüzkar kimi təqdim etməyə çalışdılar. Məkrli planlarını həyata keçirmək günümüzədə də nəzarətlərində olan medianın rolundan faydalanmaqdadırlar. Bu yolla İkinci Qarabağ müharibəsində sonra Cənubi Qafqazda dayanıqlı sülh və sıx əməkdaşlıq formatı ilə bağlı yaranan fürsəti hər vasitə əngəlləməyə çalışırlar.Azərbaycanın bölgədə dayanıqlı sülh və sıx əməkdaşlıqla bağlı mövqeyi ortadadır və bunu cənab Prezident bir daha Şuşa Qlobal Media Forumunda da bəyan etdi. Bildirdi ki, bölgədə qarşıdurmaya son qoyularsa, yaranan yeni reallığa uyğun addım atılarsa, Cənubi Qafqaz ölkələri Baltik ölkələrindən də daha sıx şəkildə birgə əməkdaşlıq format yarada bilərlər. Bu isə ancaq və ancaq Ermənistanın Azərbaycana qarşı absurd iddialarından geri çəkilməsi zamanı mümkün ola bilər. Sülh sazişinin 80-90 faizi razılaşdırılmasına baxmayaraq, təəssüflər qeyd etmək lazımdır ki, Fransa və digərləri bölgədə sıx əməkdaşlıq formatının yaranmasına imkan vermirlər.Onlar Ermənistan vasitəsi ilə bölgədə sülhü pozmağa çalışırlar. Son olaraq onu qeyd etmək istərdim ki, Qərbin Cənubi Qafqazda gərginlik yaratmaq planından əziyyət çəkən ölkə olacaqsa, bu ölkə yenə də Ermənistan olacaq. Nə Ermənistanın, nə də onun havadarlarının bundan sonra bölgədə vəziyyəti xeyilərinə dəyişməsi qeyri-mümkündür. Azərbaycan necə ki indiyədək onların bütün oyunlarını pozub bundan sonra da pozacaq və xəyal qırıqlığına uğradacaq".

Mürtəza
Ölkə.Az