İrəvan Bakının tələbləri qarşısında acizdir - Manukyan 

Ermənistanın Azərbaycandan fərqli olaraq beynəlxalq ticarət masasında heç bir üstünlüyü və aləti yoxdur.

Ölkə.Az xəbər verir ki, bunu Ermənistanın birinci prezidenti Levon Petrosyanın lider olduğu Erməni Milli Konqresinin sədr müavini Aram Manukyan deyib.

Onun sözlərinə görə, Köhnə Dünya yüz milyonlarla dollar dəyərində neft, NATO-nun altı ölkəsi isə Azərbaycandan qaz alır.

O bildiribi ki, bu baxımdan Azərbaycanın əlində güclü alətlər var və bundan faydalanır. “Biz bunu nəzərə almalıydıq. Ermənistanın birinci prezidenti Levon Ter-Petrosyan bəlkə də rusların maraqlarının Azərbaycanın maraqları ilə üst-üstə düşəcəyi məqamın gələcəyini deyərkən məhz bunu nəzərdə tuturdu”, - Manukyan əlavə edib.

Manukyan deyib ki, bu gün Azərbaycanın ruslarla Avropaya yanacağın çatdırılmasında maraqları üst-üstə düşür. “Bu gün gəlməli idi. Ona görə də Qarabağ məsələsi ATƏT-in Minsk qrupunun həmsədrlərinin təklif etdiyi kimi həll edilməli idi”, - o qeyd edib.

Aram Manukyan Ermənistanın hazırkı hakimiyyətinin zərərli fəaliyyətini davam etdirəcəyinə əminliyini ifadə edib.

Mürtəza
Ölkə.Az