Ankaranın İrəvana təzyiqləri daha da artacaq - Erməni ekspert

Hazırda Cənubi Qafqaz və Qara dəniz regionu Ankara üçün Suriya-İraq bölgəsindəki maraqlarını üstələyərək xarici siyasətinin bir nömrəli prioritetinə çevrilib.

Ölkə.Az xəbər verir ki, bunu erməni ekspert, türkoloq Varuzan Geqamyan deyib.

"Bu isə o deməkdir ki, Türkiyə indiki məqamda qarşısındakı problemləri həll etmək üçün əsas diqqətini bu bölgəyə yönəldəcək.

Məqsəd isə bundan ibarətdir: Cənubi Qafqazda Türkiyənin təsir dairəsini daha da genişləndirmək və Orta Asiyadan Balkanlara qədər uzanan türk zonasını mümkün qədər gücləndirərək regional super gücə çevrilmək. “Zəngəzur dəhlizi” layihəsi də bu məqsədə doğru atılan əsas addımlardan biridir.

Ona görə də yaxın aylarda Türkiyənin Ermənistana təzyiqləri daha da artacaq", - Geqamyan qeyd edib.

Mürtəza
Ölkə.Az