Ermənistan kommunikasiyaları açmağa hazırdır - Paşinyan

Ermənistanın baş naziri Nikol Paşinyan və Fransa prezidenti Emmanuel Makron bu gün Parisdə keçirdikləri görüşdə Ermənistan-Azərbaycan sülh prosesini müzakirə ediblər.

“Ölkə.az” xəbər verir ki, bu barədə Ermənistan hökuməti məlumat yayıb.

Bildirilir ki, Paşinyan görüşdə Azərbaycanla sülh müqaviləsi layihəsinin müzakirəsinin nəticələrinə toxunub və bu sənədin bəndlərinin 80 %-nin razılaşdırıldığını bildirib.

Paşinyan onu da vurğulayıb ki, Ermənistan suverenlik, yurisdiksiya, qarşılıqlılıq və bərabərlik prinsipləri əsasında regional kommunikasiyaları açmağa da hazırdır.

Tərəflər Ermənistan-Fransa gündəmini müzakirə ediblər.

Bundan əlavə, Paşinyan və Makron Ermənistan-Aİ əməkdaşlığını, o cümlədən Aİ-nin Ermənistandakı missiyasını, Aİ ilə viza rejiminin liberallaşdırılması üzrə dialoqun başlanması, Avropa Sülh Fondunun Ermənistana dəstəyi ilə bağlı məsələləri müzakirə ediblər.