Bu şəxslər çağırışdan azad edilərək hərbi qeydiyyatdan çıxarılacaqlar

“Hərbi vəzifə və hərbi xidmət haqqında” qanuna təklif edilən dəyişikliklərdə yeniliklərdən biri də ondan ibarətdir ki,  vətəndaşlara həqiqi hərbi xidməti istisna edən əsaslar olmadıqda öz arzuları ilə ümumi əsaslarla müddətli həqiqi hərbi xidmətə çağırıla bilərlər.

Ölkə.Az xəbər verir ki, bu, Milli Məclisin bu gün keçirilən iclasında müzakirəyə çıxarılan “Hərbi vəzifə və hərbi xidmət haqqında” qanuna təklif edilən dəyişiklikdə əksini tapıb.
Layihəyə də digər yenilik isə aşağıdakı vətəndaşlar isə müddətli həqiqi hərbi xidmətə çağırışdan azad edilərək hərbi qeydiyyatdan çıxarılması nəzərdə tutulur:
- həm dinc dövrdə, həm də müharibə dövründə hərbi xidmətə yararsız sayılmış çağırışçılar;
- ağır və ya xüsusilə ağır cinayət törətdiklərinə görə müəyyən müddətə azadlıqdan məhrum etmə və ya ömürlük azadlıqdan məhrum etmə növündə cəzaya məhkum olunmuş çağırışçılar;
- Azərbaycan Respublikasının vətəndaşlığına xitam verilmiş şəxslər.
Qanun layihəsi səsverməyə çıxarılaraq birinci oxunuşda qəbul edilib.

Mürtəza
Ölkə.Az