Kreml Qərbi Azərbaycan məsələsində də erməniləri məyus etdi

Düşünürəm ki, İrəvanda Ermənistan hakimiyyətinin özlərinin bu bəyanatlara münasibətini soruşmaq daha yaxşıdır. 

Ölkə.Az xəbər verir ki, bunu Rusiya Xarici İşlər Nazirliyinin rəsmi nümayəndəsi Mariya Zaxarova Azərbaycan prezidenti İlham Əliyevin Ermənistan hakimiyyətinin “Qərbi Azərbaycan icması” ilə danışıqlara başlaması tələbini şərh edərkən deyib.

“Mövqeyimiz açıqlanıb. Ən yüksək səviyyədə üçtərəfli sazişlərin elementlərindən biri humanitar blokun, o cümlədən qaçqınların hüquqlarına hörmət, mədəni, tarixi və dini irs abidələrinin qorunması kimi məsələlərin müzakirəsidir. Biz Bakıda və İrəvanda həm rəsmi, həm də ictimai humanitar məsələlərin bütün spektri üzrə dialoqun bərpasının vacibliyini dəfələrlə qeyd etmişik. Əgər tərəflər bizim imkanlarımızdan istifadə etmək istəsələr, biz də öz tərəfimizdən kömək etməyə hazırıq”, - Zaxarova bildirib.

Mürtəza
Ölkə.Az