Zatulinin sərsəmləməsi - Bakı sərt reaksiyası
Bunu Ölkə.az-a açıqlamasında Milli Məclisin deputatı Müşfiq Məmmədli deyib.
Onun szölərinə görə, məlumdur ki, Zatulinin və ona bənzər dairələrin dəstəyi ilə bir zamanlar separatçılar Azərbaycan torpaqlarını işğal etmiş və 30 il boyunca bölgənin əhalisini və ərazisini əsarətdə saxlamışdılar. “Lakin Prezident İlham Əliyevin uzaqgörən və qətiyyətli siyasəti nəticəsində bu işğala son qoyulub. Hərbi cinayətkar və separatçıların bir qismi həbs edilərək Bakıdakı ədalət məhkəməsi qarşısına çıxarılıb və beynəlxalq praktikaya uyğun olaraq layiqli cəza alıblar. Azərbaycan bu baxımdan dünyada qəbul edilmiş standartlara uyğun olaraq hərbi cinayətlər və separatizm əməllərinə qarşı prinsipial mövqe nümayiş etdirir”, - o vurğulayıb.
Deputat əlavə edib ki, Zatulinin və onun kimi qüvvələrin son açıqlamaları birbaşa Azərbaycanın ərazi bütövlüyünü şübhə altına almaq, ölkələr arasında münasibətlərə xələl gətirmək və bölgədə sülhə, təhlükəsizliyə və əməkdaşlığa mane olmaq məqsədi daşıyır: “Bu addımlar həm İrəvan, həm də Bakı üçün sülh və inteqrasiya prosesinə qarşı açıq təxribatdır.
Rəsmi Bakı Zatulinin açıqlamasına dərhal sərt reaksiya verərək Rusiyaya nota təqdim edib. Bu, Azərbaycanın dövlət suverenliyi və ərazi bütövlüyü prinsipinə qətiyyətli yanaşmasının göstəricisidir. Prezident İlham Əliyevin yürütdüyü siyasət nəticəsində bölgədə sülh və inteqrasiya istiqamətində irəliləyiş davam edəcək. Xarici dairələrin, xüsusilə Zatulinin kimi şəxslərin mənfur niyyətləri isə heç bir nəticə verməyəcək və bu cəhdlər puça çıxacaq.
Analitiklər vurğulayır ki, Azərbaycanın möhkəm və prinsipial siyasəti həm regionda dayanıqlı sülhün təmin olunmasını, həm də xarici müdaxilələrin qarşısının alınmasını təmin edir. Prezident İlham Əliyevin rəhbərliyi altında Cənubi Qafqaz artıq qarşıdurma və təxribat məkanından əməkdaşlıq və təhlükəsizlik zonasına çevrilir”.
Mürtəza
