ATƏT-dən erməni separatçılarına ağır zərbə
ATƏT-in qış sessiyasının gündəliyinə salınmış iki hesabat erməniləri şoka salıb.
Ölkə.az xəbər verir ki, Qarabağ separatçıları və Ermənistanın siyasi dairələri Robert Uolter tərəfindən hazırlanmış "Dağlıq Qarabağda və Azərbaycanın digər işğal olunmuş ərazilərində zorakılığın artması" və Miliça Markoviç tərəfindən hazırlanmış "Azərbaycanın sərhədyanı bölgələrinin əhalisi qəsdən içməli sudan mərhum ediliblər" adlı hesabatların ATƏT-in qış sessiyasının gündəliyinə salınmasına etiraz ediblər.
Xatırladırıq ki, ATƏT nümayəndələrinin Azərbaycanın işğal olunmuş ərazilərində keçirdikləri çoxsaylı monitorinqlərin və müşahidələrin nəticəsində bu hesabatlar hazırlanıb və cəbhə xəttində ermənilərin hərəkətlərini qurumun müşahidəçiləri öz gözləri ilə görüblər.
Hesabatların yaxın vaxtlarda ATƏT-in müzakirəsinə çıxarılacağı gözlənilir.
