Bu gün Aşqabadda Xəzərin hüquqi statusu müzakirə ediləcək
Bu gün Türkmənistanın paytaxtında Xəzərin hüquqi statusu ilə bağlı işçi qrupunun Xəzəryanı dövlətlərin xarici işlər nazirlərinin müavinləri səviyyəsində 43-cü iclası keçiriləcək.
İclasda beş Xəzəryanı ölkənin xarici işlər nazirlərinin müavinləri Xəzər dənizinin hüquqi statusuna, sahilyanı ölkələr arasında əməkdaşlığın genişləndirilməsinə, həmçinin Xəzər dənizi üzrə nazirliklərin və qurumların fəaliyyətinin kordinasiyasına dair həll edilməmiş bütün məsələlərin müzakirəsini davam etdirəcəklər.
İclas yanvar ayının 29-da başa çatacaq.
Xəzərin hüquqi statusuna dair növbəti sammitin bu il Astanada keçirilməsi nəzərdə tutulur.
