Tacikistan Azərbaycana təşəkkür etdi
Tacikistanın xarici işlər nazirinin müavini Pərviz Davlatzoda yanvar ayının 27-də Azərbaycanın Tacikistandakı səfiri Abbas Əli Həsənovu qəbul edib.
Bu barədə Ölkə.Az xarici mediaya istinadən xəbər verir.
Tacikistanın Xarici İşlər Nazirliyinin informasiya departamentinin məlumatına görə, görüşün gedişatında Tacikistan tərəfi Azərbaycan hökumətinə və xalqına Dağlıq Badaşxan Muxtar Vilayətində baş verən zəlzələdən sonra göndərilən humanitar yardıma görə təşəkkür edib. Daha sonra ölkə prezidentinin Azərbaycanın dövlət başçısına ünvanlanan müvafiq məktubunu təqdim edib.
Görüş zamanı dostluq və konstruktiv atmosferdə ikitərəfli və regional xarakterli aktual məsələlər müzakirə edilib.
