Deputatdan təklif: Əmlak sığortası məcburi olsun

Təbii fəlakət, yanğın və digər hadisələr zamanı vətəndaşlara ziyan dəyir, amma əmlak sığortası olmadığından onlar dəyən ziyanın kompensasiya sınıq ala bilmir.

Ölkə.az xəbər verir ki, bunu deputat Razi Nurullayev parlamentdə çıxışı zamanı deyib. 

Onun sözlərinə görə, təmsil etdiyim  İmişli rayonunda vətəndaşlarla görüşən zaman təəssüflə qeyd etməliyəm ki, hər ay 3-4 yanmış evə, obyektə baş çəkməli oluram. "Bu, artıq təsadüf deyil, ciddi sosial problemdir.

Hər dəfə həmin ailələrə eyni sualı verirəm: “Əmlak sığortanız varmı?” Cavab isə demək olar ki, həmişə “yox” cavabı olur.

Ən düşündürücü məqam isə odur ki, bu sığortanın illik məbləği cəmi 40-50 manat civarındadır. Yəni bir ailənin bir illik təhlükəsizliyi çox kiçik bir məbləğlə təmin oluna bilərdi. Amma nəticədə insanlar bütün əmlakını itirir, sonra isə dövlətin və cəmiyyətin üzərinə əlavə yük düşür",-deputat vurğulayıb. 

Deputat əlavə edibki, yaranmış mövcud vəziyyət təkcə vətəndaş məsuliyyəti deyil, həm də sistemli yanaşma çatışmadığını göstərir.

"Hesab edirəm ki, əmlak sığortasının yenidən məcburi fazaya keçirilməsi vacibdir. Bu addım həm vətəndaşların məsuliyyətini artıracaq, həm də fövqəladə hallarda dövlətin üzərinə düşən maliyyə yükünü azaldacaq.

Biz insanları faciədən sonra yox, faciədən əvvəl qorumaq üçün əmlak sığortasını məcburi etməliyik",- deputat bildirib.

Mürtəza