Hakan Fidan: Yekun sülh üçün Bakının haqlı narahatlıqları həll olunmalıdır

Türkiyə Azərbaycan və Ermənistan arasında sülh müqaviləsinin ən qısa müddətdə imzalanmasını gözləyir.

Ölkə.az xəbər verir ki, bunu Türkiyənin xarici işlər naziri Hakan Fidan İstanbulda Azərbaycan -Gürcüstan-Türkiyə xarici işlər nazirlərinin birgə toplantısından sonra deyib. 
Türkiyəli nazir vurğulayıb ki, yekun sülhə nail olmaq üçün Azərbaycanın haqlı narahatlıqları həll olunmalıdır.

Nazirin sözlərinə görə, Ankara Cənubi Qafqazda davamlı sülhün bərqərar olması üçün bütün səylərini göstərməyə davam etmək niyyətindədir.

Fidan qeyd edib ki, Türkiyə Cənubi Qafqazda sülhün bərqərar olması üçün əlindən gələni edəcək. Hər iki tərəfin nümayiş etdirdiyi iradə bölgə üçün açıq bir fürsət pəncərəsi açıb".
Nazir həmçinin bildirib ki, Türkiyə Ermənistanla dialoqu Azərbaycanla sıx əlaqədə davam etdirir. “Bu gün bu vizyonun ən ümidverici təzahürünü Azərbaycan və Ermənistan arasındakı sülh prosesində görürük”, - o deyib.

Mürtəza