Ərdoğan: Tariximizdə nə soyqırımı, nə də müstəmləkəçilik olub
"Çoxu uşaq və qadın olmaqla 73 min günahsız qəzzalının qanını tökən şəbəkənin ölkəmizə qarşı böhtanlarına əhəmiyyət vermirik. Tariximizdə nə soyqırımı, nə qırğın, nə zülm, nə də müstəmləkəçilik yoxdur. Min illik şanlı tariximizdə yalnız ədalət və mərhəmət var".
"Ölkə.az" xəbər verir ki, bunu Türkiyə Prezidenti Rəcəb Tayyib Ərdoğan Nazirlər Kabinetinin 67-ci iclasından sonra verdiyi açıqlamada qeyd edib.
Onun sözlərinə görə, Türkiyə hər zaman sığınacaq axtaranlara qapısını açıb: "Düşünürəm ki, böyük arixə və böyük vicdana malik bir millətin üzvləri olduğumuzu bilmək vacibdir. Əsrlər boyu biz yıxılanlara kömək etmişik və çətinlik çəkənlərin köməyinə tələsmişik".
Xatırladaq ki, İsrail Nazirlər Kabineti 1915-ci il hadisələrinin "erməni soyqırımı" kimi tanınmasını nəzərdə tutan qərarı təsdiqləyib. Qərarın tam qüvvəyə minməsi üçün onun İsrail parlamenti - Knesset tərəfindən də təsdiqlənməsi tələb olunur.
