Türkiyə İranla bağlı planın qarşısını aldı – XİN başçısından şok açıqlama

Ölkə.az xəbər verir ki, bu barədə İranın xarici işlər naziri Abbas Əraqçi danışıb.

Onun sözlərinə görə, məhz Türkiyə Prezidenti Rəcəb Tayyib Ərdoğanın diplomatiyası və Ankaranın qətiyyətli mövqeyi nəticəsində həm İranın parçalanması, həm də Tehran rejimin devrilməsinin qarşısı alınıb.

Ölkədə çevriliş və rejim dəyişikliyinin pərdəarxası məqamlarını açıqlayan A.Əraqçı deyib ki, ABŞ və İsrailin İranı parçalamaq planı var idi.

“Onlar İranı parçalamaq üçün planlar qurmuşdular, amma bu plan baş tutmadı. “Müharibənin dördüncü günündə Donald Tramp Şimali İraqda İrana qarşı çıxan kürd silahlı qruplaşmaların liderləri ilə əlaqə saxlayaraq, onların İrana qurudan girməsini dəstəklədi”, - XİN başçısı söyləyib. 

A.Əraqçi D.Trampın İranda nəzərdə tutulan planı reallaşdırmaq üçün kürd qruplaşmalarına silah göndərdiyi barədə söylədiyi fikirləri xatırladıb:

“Tramp bu yaxınlarda dedi ki, biz ora silah göndərdik və bu silahların hara getdiyini anlamırıq”.

İranlı nazir əlavə edib ki, ABŞ Prezidenti İraqdakı küdr liderləri ilə danışdığı gün özü də bir neçə ölkənin rəsmiləri ilə əlaqə saxlayıb. Həmin şəxslər arasında İraqın Baş naziri Əli əz-Zeydi, Türkiyənin xarici işlər naziri Hakan Fidan, İraq Kürdüstan Regionunun Baş naziri Məsrur Bərzani və başqa rəsmilər olub. 

Ankaranın prosesə ciddi müdaxilə etdiyini vurğulayan nazir bildirib ki, Türkiyə hökuməti bu hərəkətin qarşısını almaqda təsirli rol oynayıb və ABŞ ilə məsləhətləşmələrlə yanaşı, bu plana qarşı sərt mövqe nümayiş etdirib.

Mürtəza