Razi Nurullayev: “Sərdar Həmidov Əbülfəz Elçibəy hakimiyyətinin ən bacarıqlı kadrlarından idi”
“Tərtər rayonu İcra Hakimiyyətinin sabiq başçısı Sərdar Həmidovun ölümünə üzüldüm. Tərtər rayonunun erməni işğalçılarından qorunmasında misilsiz qəhrəmanlıqlar göstərmiş Sərdar Həmidovun vəfatı xalqımız üçün böyük itkidir”.
Bu sözləri Ölkə.Az-a Azərbaycan Xalq Cəbhəsi Partiyasının sədri Razi Nurullayev deyib. Sədr bildirib ki, Sərdar Həmidov Əbülfəz Elçibəy hakimiyyətinin ən bacarıqlı kadrlarndan biri idi:
“Tərtər rayonunun İcra Hakimiyyətinin başçısı olduğu zamanda bacarıqlı təşkilatçı, təmiz məmur, qorxmaz döyüşçü kimi şöhrət qazanmış, rayonun etibarlı müdaifiəsini təşkil etmişdi. Bu gün Tərtər işğalda olunmamasının əsas qəhrəmanlarından biri də Sərdar Həmidovdur. Təəssüf ki, bu hakimiyyət zamanı o, həbs olundu. Təbii ki, hamı kimi Sərdar bəy müəyyən xətalardan da xali deyildi. Ancaq onun vətən qarşısında xidmətləri əvəzsizdir. İnanıram ki, Tərtərdə Sərdar Həmidovun özü kimi xatirəsi də əbədiləşdiriləcək. Allahdan Sərdar Həmidova rəhmət diləyir, qardaşı İsgəndər Həmidova, ailəsinə, əzizlərinə başsağlığı verirəm!”
