Politoloq: \"Qarabağ məsələsində Rusiyanın məqsədi odur ki...\"

Cəbhə xəttində gedən döyüşlərin dayandırılmasını tələb edən dövlətlərin başında yenə Rusiya gəldi.

Cəbhədə atəşkəsə nail olunduqdan sonra Rusiyanın baş naziri Dmitri Medvedev əvvəlcə Ermənistana, sonra isə Azərbaycana səfər etdi.

Rusiyanın bu canfəşanlığı barədə politoloq Zərdüşt Əlizadə Ölkə.Az-a danışıb:

"Rusiyanın canfəşanlığının əsas məqsədi odur ki, münaqişə bölgəsində dırnaqarası sülhməramlı qoşunlarını yerləşdirsin. Beləliklə də, həm münaqişəni, onun vasitəsi ilə də, Ermənistan və Azərbaycanı idarə etsin. Rusiyanın məqsədi budur. Rusiya həqiqi sülh istəmir. Həqiqi sülh istəsə idi, tam fərqli mövqe tutardı. Dmitri Medvedev Bakıya gəlib. Azərbaycan hakimiyyəti görüşlər zamanı Rusiyanın istədiyini etməməlidir. Hələ nə isə demək tezdir, ona görə də gəlin gözləyək, görək nələr olacaq".

Qeyd edək ki, Aprel ayının 8-də Bakı vaxtı ilə saat 15.00-dan başlayaraq qoşunların təmas xəttində atəşkəs rejiminin bərpa olunması barədə razılığa gəlinib.

Səxavət Məmməd
Ölkə.Az