\"Əgər qan axmasını istəmirdilərsə, onda özləri Çeçenistanda niyə müharibə aparırdılar?\"

Cəbhədə gedən bir neçə günük ağır döyüşlərdən sonra Rusiyanın baş naziri Dmitri Medvedev Ermənistan və Azərbaycanda rəsmi səfərdə olub.

Dmitri Medvedev ölkəsinə qayıtdıqdan sonra rus mediasına verdiyi müsahibəsində bildirib ki, yaxşısı budur Dağlıq Qarabağ münaqişəsi dondurulmuş qalsın, amma qan tökülməsin.

Dmitri Medvedevin bu fikrinə millət vəkili Araz Əlizadə Ölkə.az-a verdiyi açıqlamada münasibət bildirib.

"Əgər belədirsə, onda özləri Çeçenistanda niyə müharibə aparırdı? On minlərlə insanları niyə qırırdılar? Müharibə Dmitri Medvedev və Putinin dövründə qızışıb. İş ondadır ki, vətənin bütövlüyünü qorumaq üçün qan tökmək zəruridir. Qan tökülməsini istəmirdilərsə, o zaman Bəşər Əsədə niyə kömək etdilər? Əgər dondurulmuş qalırsa, onsuz da əvvəl-axır qanla, müharibə ilə bitir. Ömürlük dondurulmuş münaqişə Fələstin-İsrail münaqişəsidir. Onu da bilirik ki, həmişə orada qan axır".

Səxavət Məmməd
Ölkə.Az