Dağıstan prezidenti Bakıya gəlib
Azərbaycanda ilk dəfə mayın 12-13-də Dağıstan Mədəniyyət günləri keçiriləcək.
Ölkə.Az "TASS" agentliyinə istinadən xəbər verir ki, bu məqsədlə Dağıstan Respublikasının rəhbəri Ramazan Abdulatipovun rəhbərliyi ilə nümayəndə heyəti Azərbaycana gəlib.
Mədəniyyət günlərinin açılış mərasimi mayın 12-də Heydər Əliyev Sarayında olacaq.
Dağıstan günləri çərçivəsində Ramazan Abdulatipovun Azərbaycanın iqtisadi inkişaf naziri Şahin Mustafayev və işgüzar dairələrin nümayəndələri ilə görüşləri planlaşdırılıb.
Mayın 13-də Dağıstan Mədəniyyət günləri Xaçmaz və Qusarda davam edəcək.
