Medvedev: "Biz vətəndaş müharibəsinin bitməsini istəyirik"

Rusiya Baş naziri Dmitri Medvedev CNBC telekanalına müsahibə verib.

Ölkə.Az xəbər verir ki, Rusiya Baş naziri Dmitri Medvedev CNBC telekanalına verdiyi müsahibəsində bildirib ki, Rusiya Ukraynanın Avropa Birliyinə inteqrasiyasının qarşısını almır:

"Rusiya Ukraynanın Avropa Birliyinə inteqrasiyasının qarşısını almır, lakin xəbərdarlıq edərək bildirir ki, bu seçim dövlətimiz üçün iqtisadi nəticələrin yaranmasına səbəb ola bilər. Ukraynada baş verənlər bizi çox narahat edir. Biz ilin əvvəlində baş verən dövlət çevrilişinin səbəb olduğu vətəndaş müharibəsinin bitməsini istəyirik"- deyə prezident qeyd edib.

Həmçinin Medvedev əlavə edib ki, Ukrayna özü istəsə Avropa Birliyinə daxil ola bilər və Kiyev bu məsələdə tam sərbəstdir:

“Ukrayna öz seçimini edə bilər və istəsə Avropa Birliyinə daxil ola bilər. Əgər başqa tərəfə getmək istəyirsə, getsin. Biz hesab edirik ki, Avropa Birliyi ilə iqtisadi münasibətlərdə Ukraynanın qarşısında böyük risklər mövcüddur. Amma bu, Ukrayna rəhbərliyinin öz işidir”, - deyə Medvedev müsahibəsində bildirib.  

Rəşid Mustafazadə

Ölkə.Az