"ABŞ-ın Yaxın Şərq siyasəti bölgədə İranı gücləndirir"

İngiltərənin Fələstini müstəqil kimi tanımasını elan etməsi məsələsini Ölkə.az-a millət vəkili Fazil Mustafa şərh edib:

"Qətiləşmiş qərar deyil. İngiltərə əslində bu fikri İsrail dövləti yaranandan sonrakı dövrlərdə də səsləndirib, ancaq bununla bağlı bir fəaliyyət göstərməyib. Fələstinin müstəqil dövlət kimi tanınmasında dəstək verəcək konkret addımlar atmayıb. İndiki məqamda İngiltrənin bu fikri səsləndirməsi çox müsbət bir addımdır. Fələstin dövlətinin yaranması bölgədə sülhün yaranmasına, sərhədlərin müəyyənləşməsinə gətirib çıxara bilər. İngiltərə maraqlı olsa, bölgədə sülhün bərqərar olmasına töhvə verə bilər. Ancaq bu hələlik hiss olunmur, çünki vuruşan tərəflərin arxasında çox zaman bu dəstəyi hiss edirsən. Türkiyə əleyhinə və başqa məsələlələrdə də bunu hiss edirsən. Əgər dəyişiklik olsa, tamam başqa vəziyyət yaranar. Hər halda bu addım indiki zamanda fərqli ssenarilərin ortaya cıxacağının göstəricisidir. Bir müddət əvvəl kiminsə ağlına gəlməzdi ki, İŞİD kimi terrorçu təşkilat bu qədər gücə sahib olacaq və bölgənin coğrafiyasını dəyişmək fürsəti əldə edəcəkdir. Ona görə də, surprizlər ola bilər. Bu sürpriz kimi olacaq. Uğur belədir ki, bölgədə qalıcı sülhə nail olmaq ancaq hələ ki, buna nail olmaq mümkün deyil. İsrailin hüdudlarını məhdudlaşdırmaq siyasətini kimsə yeritmək fikrində deyil. ABŞ əksinə, İsrailin bütün addımlarını, Fələstindəki qətliama gətirib çıxaran addımları belə dəstəkləyir. ABŞ-ın təsiri altında olan ərəb ölkələri də bu sülhə lazımı dəstəklərini vermirlər. Onların da mövqeyləri müəmmalıdır. ABŞ-ın bu siyasəti isə bölgədə İranın gücünü artırır".

Səxavət Məmməd

Ölkə.az