Tural Abbaslı: "Bu başqana etimadsızlıq göstərilməlidir..."

"Müsavat" partiyasında növbədənkənar qurultayın keçiriləcəyi ilə bağlı xəbərləri partiyanın məclis üzvü Tural Abbaslı Ölkə.az-da dəyərləndirdi.

Tural Abbasl: "Düzdür, növbədənkənar qurultay olmalıdır. Son qurultayda nizamnamə və əsasnaməyə dəyişikliklər etməliydik, amma başqan seçkiləri xeyli vaxt apardı və Əmircandakı zalı bir günlüyə kiaryələmişdik deyə proqramdakı dəyişiklikləri edə bilmədik. Ona görə ordaa ümumi razılaşma olmuşdu ki, əgər nizamnamə və əsasnaməyə dəyişikliklərə vaxt qalmasa 5-6 ay müddətinə növbədənkənar qurultay çağırılsın. Həmin qurultay nümayəndələrinin iştirakı ilə yenidən və nizamnamədə və əsasnamədəki dəyişikliklər həyata keçirilsin. Bununla bağlı növbədənkənar qurultay keçirilməlidir. Qurultay çağrılır və qurultay səlahiyyətlidir ki, yenidən başqan seçsin. Qurultay istənilən məsələni edə bilər. Qurultay nümayəndələri istənilən tlif də verə bilər, yenidən hansısa məsələlərə baxa da bilərlər. Qurultay çağrılanda qurultay səlahiyyətindəki bütün məsələlərə baxa bilər. Nizamnamədə hansısa məhdudiyyət yoxdur ki, qurultay bununla bağlı çağrılsın.

Yenidən başqanın seçilməsi məsələsi o qədər də sadə deyil çünki əgər qurultayda başqanlıq məsələsi qaldırmaq üçün birinci o məsələ təklif olunmalıdır. Ümumi gündəliyə salınmalıdır. Seçilmiş başqan var hal-hazırda. Bu başqana etimadsızlıq göstərilməlidir, hansı ki, o etimadsızlıq yenidən gizli səsvermə ilə 50+1-lə olmalıdır. Bunların hamısı uzun prosedurlardır. Bunlar bir qurultayda həll olunası məsələlər deyil. Nəzəri baxımdan yenidən başqan seçkiləri mümkündür ancaq praktiki baxımdan çox qəlizdir. Mənim yenidən başqanlığa namizədliyimi verib-vermiyəcəyimi zaman göstərəcək".

Səxavət Məmməd

Ölkə.az