"Gürcüstan Qafqazda ABŞ-ın ən yaxın müttəfiqidir"
ABŞ analitikləri Cənubi Qafqazda gedən siyasi prosesləri, Gürcüstandakı seçkiləri və Azərbaycandakı referendumu dəyərləndiriblər.
Ölkə.Az xəbər verir ki, ABŞ Analitiklər Şurasının baş araşdırmaçısı Ariel Koen İlham Əliyev, Vladimir Putin və Həsən Ruhaninin Bakı görüşündən sonra regionda siyasi vəziyyətin kifayət qədər dəyişdiyini bildirib.
"Biz Əliyev, Putin və Ruhaninin Bakıdakı görüşünün şahidi olduq. Rusiya bölgəyə yenə öz möhürünü vurmaq istəyir. Cənubi Qafqaz və Xəzər regionunu nəzarətində saxlamaq Moskvanın strateji planıdır. Türkiyədə vəziyyət qarışır və bütün bunların fonunda ən qərbyönümlü dövlət kimi Gürcüstan ABŞ-ın ən yaxın müttəfiqidir", - deyə Koen vurğulayıb.
