Merkel Rusiyaya qarşı sanksiyalardan danışdı

"Avropa İttifaqı Rusiyaya qarşı yönəlmiş sanksiyalara yenidən baxılması üçün səbəb görmür"

Ölkə.Az Lenta.ru-ya istinadən xəbər verir ki, bu fikirləri Almaniya kansleri Angela Merkel Aİ-nin Brüsseldə keçirilən sammitində səsləndirib. Onun sözlərinə görə Minsk razılaşmalarının reallaşdırılması üçün edilən tədbirlər azlıq təşkil edir.

Diplomatik mənbələrin verdiyi məlumatlara əsasən, sammit iştirakçıları Rusiyaya qarşı yönəlmiş cərimə tədbirlərini ləğv etməyi düşünmürlər və rəsmi Moskvanı Ukraynanın ərazi bütövlüyünə hörmətlə yanaşmağa çağırıblar. Bundan əlavə, onlar Rusiyanı atəşkəs haqqında razılaşmaya görə götürdükləri öhdəliyi yerinə yetirməyi tövsiyyə ediblər.

Xatırladaq ki, 12 sentyabrda Avropa İttifaqı Rusiyaya qarşı sanksiyaların daha da gücləndirilməsi haqqında qərar qəbul edib. Bu sanksiyaların altına «Роснефть», «Транснефть», «Газпром нефть», «Уралвагонзавод», «Оборонпром» kimi iri Rusiya şirkətləri düşüblər.

Rəşid Mustafazadə

Ölkə.Az