Qaqauzlar Türkiyədən yardım istəyir

Qaqauziya Türkiyədən Moldovaya təsir etməyi xahiş edib.

Ölkə.Az Regnum informasiya agentliyinə istinadən xəbər verir ki, Qaqauz muxtariyyətinin rəhbərliyi Türkiyədən Moldova hökumətinə Qaqauziyanın xüsusi hüquqi statusu haqqında qanuna əməl etmədiyinə görə təsir etməyi xahiş edib. Qaqauziyanın Xalq parlamentindən verilən məlumata görə, bu barədə parlamentin Ankarada səfərdə olmuş nümayəndə heyətinin üzvləri danışıblar.

"Səfərin əsas məqsədi Moldova hökumətinin Qaqauziyanın xüsusi hüquqi statusu haqqında qəbul edilmiş qərara əməl etməməsi barədə Türkiyəni məlumatlandırmaq və vəziyyətin dəyişdirilməsinə nail olmaq üçün Moldovaya təsir etməsini xahiş etməkdir. Həm Xarici İşlər Nazirliyi, həm parlamentdə biz vəziyyəti dəqiqliklə izah etdik. Bizim məqsədimiz Türkiyənin bu məsələnin həll olunmasında vasitəçi olmasıdır. Biz Avropa Şurasına və digər ölkələrin parlamentlərinə Qaqauziyanın hüquqi statusu haqqında qanunun real olara işləməsinə nail olmaq üçün müraciət etmək fikrindəyik", - deyə Qaqauziyanın deputatı Serfey Çimpoyeş bildirib.

Xatırladaq ki, Qaqauziya 1989-cu ildə özünü muxtar respublika elan edib. Moldova parlamenti isə Qaqauziyanın muxtariyyatını tanımadığını bəyan edib. 1994-cü ildə isə Moldova Qaqauziyanın muxtariyyəti haqqında qanun qəbul edib. Lakin bu günə qədər qanunda göstərilən bəndlərin bir çoxu realda öz əksini tapmadığı üçün əhali arasında ciddi narazılıqlara səbbə olur.

Rəşid Mustafazadə

Ölkə.Az