Poroşenkonun oğlu deputat seçildi

Aleksey Poroşenko əvvəllər Şanxayda çalışıb

Ölkə.Az xəbər verir ki, Ukraynanın prezidenti Pyotr Poroşenkonun böyük oğlu Aleksey Vinnitsa vilayətindəki 12 saylı dairədə keçirilən seçkinin nəticələrinə görə qalib olub.

Bildirilir ki, bülletenlərin 86 faizi yoxlanıldıqdan sonra prezidentin oğlunun səslərin 68 faizini topladığı məlum olub. Aleksey Poroşenko Ali Radaya "Pyotr Poroşenkonun Bloku" adından namizədliyini irəli sürüb. Aleksey Poroşenko əvvəllər Ukraynanın Şanxaydakı baş konsulluğunda iqtisadi məsələlər üzrə konsulun müavini kimi fəaliyyət göstərib

Hal-hazırda isə o ərzaq şirkətinin baş direktorunun müavinidir.

Qeyd edək ki, prezidentin oğlu həm də "Batkivşina" Partiyasından Vinnitsa vilayəti üzrə deputatı olub.

Rəşid Mustafazadə

Ölkə.Az