"Müsavat" Milli Şuranın mitinqində iştirak etməyəcək

BŞİH Milli Şuranın noyabrın 10-da saat 15:00-da keçmiş “Məhsul” stadionuna təyin edilən mitinqinə razılıq verib

Xatırladırıq ki, Milli Şuranın mitinqi siyasi məhbusların azad olunması tələbi ilə keçiriləcək.

"Müsavat" partiyasının Milli Şuranın mitinqində iştirak edib etməyəcəyin məsələsinə "Müsavat" funksionerlərindən biri Gülağa Aslanlı Ölkə.az-a verdiyi açıqlamasında aydınlıq gətirib.

Gülağa Aslanlı: " "Müsavat" partiyası siyasi məhbusların və məhbuslara azadlıq şüarı ilə səsləndirilən bütün mitinqlərdə, o cümlədən Milli Şuranın keçirəcəyi mitinqdə partiya üzvlərinin iştirakına sərbəstlik verib. "Müsavat" partiyasının üzləri Milli Şuranın mitinqində sərbəst şəkildə iştirak edə bilər. Bununla bağlı partiyada heç bir qadağa qoyulmayıb. "Müsavat" partiya olaraq yox, ancaq müsavatçılar sərbəst şəkildə mitinqdə iştirak edə bilərlər.

"Müsavat" partiyasının niyə mitinqdə partiya olaraq rəsmən iştirak etməyəcək sualına isə Gülağa Aslanlı "bu cür qərar vermək daha düzgündür" deyərək cavab verdi

Qeyd edək ki, Milli Şuranın ötən dəfəki mitinqində Müsavat funksiyanerləri tirbunaya buraxılmamışdır.

Səxavət Məmməd
Ölkə.Az