Putindən əfqanlara dəstək

Putin Əfqanistana yardım etməyə hazır olduğunu bəyan edib.

Ölkə.Az Rosbalt agentliyinə istinadən xəbər verir ki, Rusiya Federasiyasının prezidenti Vladimir Putin regionda vəziyyətin sabitləşməsi və inkişaf üçün Əfqanistana dayaq olmağa hazır olduğunuğu bəyan edib.

"Biz başa düşürük ki, beynəlxalq kontingentin çıxarılması ilə vəziyyət heç də asan olmayacaq. Lazım olsa, biz vəziyyətin sabitləşməsi və inkişafa doğru getməsini təmin etmək üçün əfqan qardaşlarımıza dayaq ola bilərik. Əfqan xalqına ölkədə vəziyyətin normallaşdırılması yolunda uğurlar arzu edirik", - deyə, Putin bildirib.

Xatırladaq ki, oktyabrın sonunda Böyük Britaniya 2001-ci ildə NATO ölkələrinin Əfqanıstanda başladığı hərbi əməliyyatdan rəsmən çıxıb. Britaniyalı hərbçilər son bazanı – Kemp Bastionu Əfqanıstan təhlükəsizlik qüvvələrinə təhvil veriblər.

Rəşid Mustafazadə

Ölkə.Az