Rusiyadakı böhran Azərbaycana təsir edəcəkmi?

Hazırda qloballaşan dünya dövlətlərə müxtəlif siyasi və iqtisadi ittifaqlarda birləşməyi təklif edir

Ölkələr belə ittifaqlar zamanı suverenliklərinin bir qismini mütləq itirir. Bundan başqa, bu, onların müstəqil iqtisadi siyasət yürütmə imkanına da təsir edir.

Beynəlxalq Valyuta Fondunun (BVF) məlumatına görə, Rusiyada iqtisadi artım tempinin azalması Qafqaz və Mərkəzi Asiya ölkələrinə təsir edəcək. Bununla da, BVF hesab edir ki, Qərbin sanksiyaları nəticəsində Rusiyada yaranmış iqtisadi problemlər regionda bu ölkənin ticari-iqtisadi tərəfdaşlarına da təsir etməlidir. Lakin bu iddianı, ilk növbədə, Rusiyanın strateji iqtisadi müttəfiqlərinə - onunla daha sıx ticarət əlaqələri olan Ermənistan, Qazaxıstan və Mərkəzi Asiya dövlətlərinə şamil etmək mümkündür.

Hadisələrin belə fonunda Rusiyaya qarşı sanksiyaların gücləndiyi təqdirdə Qazaxıstanın yeni ixrac marşrutlarının axtarışı haqqında bəyanatı nümunəvidir. Eyni zamanda, unutmaq olmaz ki, Qazaxıstan, Belarus və Ermənistan Avropa İqtisadi İttifaqının iştirakçılarıdır. Həmin ölkələr Azərbaycana bu ittifaqa daxil olmağı uzun müddət səylə təklif edirdilər.

Azərbaycanın hər hansı iqtisadi ittifaqın iştirakçısı olmaması Bakıya ittifaqlar çərçivəsində heç bir öhdəliyi yerinə yetirməməyə və müstəqil siyasət yürütmək imkanı verir. Halbuki Azərbaycanı ittifaqlara üzv olmağa təkidlə çağırırlar. Məhz buna görə də beynəlxalq maliyyə-iqtisadi böhran Azərbaycana minimum təsir etdi.

Hazırda Bakı Ümumdünya Ticarət Təşkilatına (ÜTT) üzv olmaq üzrə danışıqları davam etdirir. Regionun bəzi ölkələri ÜTT-yə artıq "gözübağlı" can atırlar. Bu danışıqların uzun müddət davam etməsinin bir səbəbi var. O da Azərbaycanın milli maraqlarına riayət edilməsidir.

Müstəqilik (o cümlədən hər hansı beynəlxalq təşkilatlardan) hazırda istənilən ölkənin, o cümlədən Azərbaycanın inkişaf amillərindən biridir. Kim isə buna nail ola bilir, başqası isə yalnız "böyük qardaş"ın olması sayəsində yaşayır. Əgər bu "qardaş"ın vəziyyəti pisdirsə, deməli qalanlara da pis olacaq.

Bunu BVF də deyir. Fondun proqnozlarına əsasən, Qafqaz və Mərkəzi Asiyanın neft idxal edən ölkələrində (Ermənistan, Gürcüstan, Qırğızıstan və Tacikistan) artım tempi bu il 1 faiz bənd - ÜDM-ün 4,6 faizinədək azalacaq.

Bu ölkələrin Rusiya ilə ticarət, pul köçürmələri vasitəsi ilə sıx əlaqələri mövcuddur, bundan başqa həmin ölkələr məhdud büdcə ehtiyatlarına malikdirlər, onlar bu regiondakı neft ixrac edən ölkələrlə müqayisədə Rusiyadakı artımın yubanması üzündən daha çox təsirə məruz qalırlar.(Trend)

Ölkə.Az