Obama İranın dini liderinə gizli məktub göndərib

The Wall Street Journalın iddiasına görə, Obama Xamneyiyə gizli məktub yazıb.

Ölkə.Az ABŞ mətbuatına istinadən xəbər verir ki, The Wall Street Journalın iddiasına əsasən, ABŞ prezidenti Barak Obama İranın dini lideri, Ayətullah Əli Xamneyiyə xüsusi məktub yollayıb. Məktubda Obama Vaşinqton və Tehranın İraq və Suriyada vuruşan İŞİD terror qruplaşmasını məğlub etməkdə maraqlı olduqlarını yazıb.

The Wall Street Journal mənbəsinə istinad edərək bildirir ki, məktub gizli şəkildə bu ilin oktyabr ayının ortalarında göndərilib. Nəşr qeyd edir ki, məktubda çox ehtimal ki İranın ali dini lideri İŞİD-ə qarşı beynəlxalq kampaniyaya qoşulmağa və nüvə proqramına razılıqın əldə olunmasına dəvət olunur.

Qeyd olunur ki, bu, Obamanın Xamneyiyə göndərdiyi 4-cü məktubdur.

Rəşid Mustafazadə

Ölkə.Az