Politoloq: "Bu Rusiyanın Azərbaycana mesajıdır"

"Rusiya Azərbaycana mesaj verir ki, Dağlıq Qarabağ Qondarma Respublikasını Ermənistana rəsmi olaraq tanıtdıra bilər"

Ermənistanın parlamenti çərşənbə axşamı, müxalif “İrs” fraksiyasından olan Zarui Postancanyan tərəfindən deputatlara təqdim edilmiş, “Dağlıq Qarabağ və Ermənistan Respublikasının təhlükəsizliyinin təmin edilməsinin əsas hərbi-siyasi müdəalarının konsepsiyası barədə” qanun layihəsinin müzakirə edəcək.

Çərşənbə axşamı Ermənistan parlamentində qondarma Dağlıq Qarabağın “müstəqilliyinin” tanınmasını müzakirə ediləcək.

Bəs məsələ reallığa uyğundurmu?

Mövzunu Ölkə.az-a politoloq Ərəstun Oruclu şərh edib.

"Bu da əvvəlki kimi Azərbaycana təzyiq xarakterli addımdır və təşəbbüs də yüksək ehtimalla Ermənistandan deyil, Rusiyadan gəlir. Bu isə Rusiyanın Azərbaycana təzyiqlərinin tərkib hissəsi və bir elementidir. Rusiya Azərbaycana mesaj verir ki, Dağlıq Qarabağ Qondarma Respublikasını Ermənistana rəsmi olaraq tanıtdıra bilər . Mənə belə gəlir ki, təşəbbüsə səbəb budur. Ermənistanın Dağlıq Qarabağ separatçılarını, o bölgəni müstəqil dövlət kimi tanıyacağı, hərbi, və ya digər müqavilə imzalayacağı halda bu Ermənistana Beynəlxalq sanksiyaların tətbiq olunmasına səbəb ola bilər.

İndi bir az riskli dövrdür. Hesab etmirəm ki, Ermənistan indi bu addımı atsın. Bir də bu Ermənistanın daxili auditoriyasına hesablanmış populist addımdır. Bilirsiniz, prezident Sarkisyanın durumu çox həssasdır. Buna görə də, bunu bir növ Ermənistan əhalisinə hesablanmış təbliğat xarakterli addım, eyni zamanda Rusiyanın dəstəyi ilə Azərbaycana olan təzyiq hesab etmək olar".

Qeyd edək ki, Qeyd edək ki, bu məsələ dəfələrlə Ermənistanın iqtidar partiyası tərəfindən qəbul edilməyib. Ermənistan parlamentariləri “Dağlıq Qarabağ Respublikasının” müstəqilliyini tanımağa etirazlarını bu münaqaişənin sülh yolu ilə həll edilməsinə mane olmaq istəmədikləri ilə əsaslandırıblar.

Fatimə İbrahimova
Ölkə.az