Türkiyə ilə Niderland yenə dost ölkə olacaq

Bu barədə Zərdüşt Əlizadə Ölkə.Az-a açıqlamasında bildirib. Onun sözlərinə görə, siyasi addımlardan dolayı iki dövlət arasında yaranmış problem müharibəyə səbəb ola bilməz.

“Avropanın bir çox ölkələrində seçki gedir. Son zamanlar Avropada mühacirət müşkili ilə bağlı sağ partiyaların mövqeyi güclənir. Ona görə hakimiyyətdə olan mərkəzçi və sol partiyalar sağ partiyaların səslərini almaq üçün almaq üçün müxtəlif addımlar atırlar. Bu yaxınlarda Hollandiyada seçki olacaq. Millətçi Partiyanın səslərini almaq üçün mərkəzi partiyalar belə bir addım atırlar. İndi də Ərdoğan seçki ərəfəsindədir. Avropa ilə hansısa böhran ilə millətçi hissləri qızışdırıb, özünün sərt siyasətçi kimi sərgiləsin. Bununla da əlavə səslər qazansın”, - deyə siyasətçi bildirib.

Z.Əlizadə deyir ki, bir müddətdən sonra, seçkilər bitəndə Türkiyə Avropa ilə münasibətləri qaydasına salacaq:

“Həyatın və siyasətin öz qanunları var. Seçki prosesi bitəndən sonra iki dövlət arasında münasibətlrə də tədricən düzəlməyə başlayacaq. Yadınıza salım ki, iki il bundan əvvəl Türkiyə ilə Rusiya az qala müharibə həddinə çatmışdılar. İndi isə dostluq edirlər. Təxminən 6 ay, yaxud bir ildən sonra Türkiyə ilə Hollandiya da dostluq münasibətlərinə başlayacaqlar. Türkiyənin Almaniya ilə münasibətləri barədə də eyni söz demək olar”.

Ziya Səccad
Ölkə.Az