İspaniya Fələstini tanımağa hazırdır

Bu qərar yalnız Fələstin-İsrail münasibətlərinin inkişafı yolunda mühüm addım olduğu təqdirdə qəbul oluna bilər.

Ölkə.Az İsrailin 9-cu kanalına istinadən xəbər verir ki, İspaniya İsrail və Fələstin arasında razılaşmanın əldə olunmasını gözləmədən Fələstini dövlət kimi tanıya bilər. Bu barədə İspaniyanın Xarici işlər naziri Xose Manuel Qarsiya-Marqalyo dünən ölkə parlamentində çıxış edərkən söyləyib.

Nazir qeyd edib ki, bu qərar yalnız Fələstin-İsrail münasibətlərinin inkişafı yolunda mühüm addım olduğu təqdirdə qəbul oluna bilər. Bununla yanaşı, İspaniyanın XİN rəhbəri Fələstinin İsraillə razılıq əldə etmədən həyat qabiliyyətli dövlət olmasının qeyri-mümkün olduğunu etiraf edib.

Qarsia Marqalyo əlavə edib ki, Fələstinin dövlət kimi tanınması Avropa İttifaqı ölkələrinin razılaşdırılmış addımlarının əks etdirilməsidir.

Rəşid Mustafazadə

Ölkə.Az