"Mən inanıram ki, Şotlandiya müstəqil ölkə olacaq, lakin..."

Şotlandiyada təkrar referendum keçiriləcək?

Ölkə.Az TASS agentliyinə istinadən xəbər verir ki, Şotland milliyətçi partiyasına rəhbər təyin olunan Nikola Sterdjen Şotlandiyanın müstəqilliyi ilə bağlı yeni referendumun keçirilməsini istisna etmədiyini bildirib. Sterdjen bu barədə partiyanın Pert şəhərində keçirilən qurultayında danışıb.

"Mən dərhal müstəqilliklə bağlı təkrar referendum keçirməyi planlaşdırmıram. O yalnız şotland xalqı istəyəndə baş tutacaq. Heç kim xalqın iradəsinin əleyhinə referendumu keçirə bilməz. Mən inanıram ki, Şotlandiya müstəqil ölkə olacaq, lakin bu xalqın istədiyi vaxt baş tutacaq", - deyə, yeni rəhbər bildirib.

Nikola Sterdjen referendumun onun partiyaya rəhbərlik etdiyi dönəmdə baş tutacağını istisna etmədiyini də qeyd edib.

Xatırladaq ki, Şotlandiyanın müstəqilliyi üzrə referendum 2014-cü ilin 18 sentyabr tarixində keçirilib. Referdendum nəticəsində şotlandların Böyük Britaniya tərkibində qalıb-qalmamaları ilə bağlı fikirləri öyrənilib və seçkidə iştirak edən 2,001,926 nəfər seçiçi yox (55.3%) səsindən istifadə edərək müstəqilliyinin əlehinə səs vermişdi.

Rəşid Mustafazadə

Ölkə.Az