Putin və Kemeron bağlı qapı arxasında

Ölkə liderləri mətbuat nümayəndələrinin otaqdan çıxmasını xahiş ediblər.

Ölkə.Az RİA Novosti-yə istinadən xəbər verir ki, Avstraliyanın Brisben şəhərində "Böyük iyirmiliyin" sammiti çərçivəsində Rusiya Federasiyasının prezidenti Vladimir Putin və Böyük Britaniyanın baş naziri Devid Kemeron arasında görüş keçirilir.

Ölkə liderləri görüşərək mətbuat nümayəndələrinin otaqdan çıxmasını xahiş ediblər. Bundan sonra Putin-Kemeron görüşü bağlı qapılar arxasında davam edib.

Xatırladaq ki, buna qədər "Böyük iyirmiliyin" sammiti çərçivəsində Putin İtaliyanın baş naziri ilə görüş keçirib. Bu gün isə Rusiya prezidentinin Fransa prezidenti Fransua Olland və Almaniyanın kansleri Angela Merkellə müzakirələr aparacağı planlaşdırılır.

Rəşid Mustafazadə

Ölkə.Az