Deputat: Ölkəyə heyvanlar gətirməlidir

“İldən ilə dövlət büdcəsinin neftdən asılılığı azalır. Bu isə qeyri-neft sektorunda gedən inkişafla əlaqədardır”.

Bunu millət vəkili Eldar İbrahimov Milli Məclisdə 2015-ci il dövlət büdcəsinin müzakirəsi zamanı deyib.

O bildirib ki, dünya iqtisadiyyatında gedən qlobal proseslər zamanı ölkəmizdə rəqabətə davamlılıq şəraitində bəzi problemlər var. O, deyib ki, bitkiçilik və heyvandarlıqda məhsuldarlıq çox aşağıdır. Çünki bu sahədə məqsədyönlü işlər görülmür. Bunun qarşısını almaq üçün bir sıra vacib addımlar atmaq lazımdır. Kənd təsərrüfatı sahəsində ixtisaslı kadrlara ehtiyac var. Bununla yanaşı yüksək keyfiyyətli toxumlar və heyvanların ölkəyə gətirilməsinə ehtiyac var.

Deputat bildirib ki, dövlət büdcəsindən kənd təsərrüfatı sahəsinin inkişafı üçün lazımi qədər vəsait ayrılmalıdır. E.İbrahimovun fikrincə, bu sahədə tədbirlər görülərsə kənd təsərrüfatı sahəsinin inkişafına nail olmaq mümkün olacaq.(Anspress)

Ölkə.Az