XİN Misirdəki terror aktı ilə bağlı bəyanat verib
Azərbaycan Xarici İşlər Nazirliyi Misirdəki terror aktını qınayıb.
Ölkə.Az-ın məlumatına görə, bu barədə XİN-nin rəsmi “Twitter” səhifəsində yayılan bəyanatında deyilir.
“Biz Misirdə baş verən terror aktını qınayırıq və Misir xalqına və həlak olanların ailələrinə başsağlığı veririk”, - bəyanatda bildirilir.
Xatırladaq ki, Misirin cənubundakı Əl-Minya əyalətində bir qrup silahlı kopt xristianlarının olduğu avtobusu atəşə tutub. Hücum nəticəsində qeyri-rəsmi məlumatlara görə, 35, rəsmilərin açıqladığı rəqəmlərə əsasən isə 28 nəfər həlak olub.