ABŞ komandanı Rusiyanın əsas məqsədini açıqladı

ABŞ-ın Avropada quru qoşunlarının komandanı Rusiyadan danışdı.

Ölkə.Az Estoniyanın "Eesti Päevaleht" nəşrinə istinadən xəbər verir ki, ABŞ ordusunun general-leytenantı, Frederik Ben Hoces Rusiyanın məqsədlərini anladığı formada izah etdiyi müsahibə verib.

"Əgər Rusiyanın Ukrayna ərazisində Krım, Moldovada Dnestryanı bölgə vasitəsilə, Gürcüstan və Baltikyanı ölkələrə təzyiq etdiyinə nəzər salsaq, görərik ki, Rusiyanın əsas məqsədi estonlar arasında şübhə toxumunu səpməkdir. Rusiya istəyir ki, estonlar nə Almaniya, nə Portuqaliya, nə də Kanadanın onlara kömək etməyəcəyini bilsinlər", - deyə, ABŞ-ın Avropada quru qoşunlarının komandanı bildirib.

O, qeyd edib ki, Tallinə hücum NATO-da bütün alyansa qarşı aqressiya kimi dəyərləndiriləcək.

Rəşid Mustafazadə

Ölkə.Az