"Putin Poroşenkonu təhdid etməyib"

Ukrayna tərəfinin təşəbbüsü ilə dünən telefon danışığı baş tutub.

Ölkə.Az İnterfaksa istinadən xəbər verir ki, Rusiya Federsiyasının prezidenti Vladimir Putinin mətbuat katibi Dmitriy Peskov Ukraynanın bəzi KİV-də Putinin Poroşenkonu təhdid etməsi haqqında yayılan məlumatları təkzib edib.

O, yaxın zamanlarda Putinlə Ukraynanın prezidenti Pyotr Poroşenko arasında baş tutan telefon danışığı zamanı birinci tərəfin təhdidə əl atması barədə xəbərlərin əsassız olduğunu bildirib.

"Doğrudur, Ukrayna tərəfinin təşəbbüsü ilə dünən telefon danışığı baş tutub. Lakin hər hansı təhdidlər barədə yayılan xəbərlərin hamısı uydurmadır və həqiqəti əks etdirmir", - deyə, Peskov bildirib.

Onun sözlərinə görə, prezidentlər Ukraynanın şərqindəki vəziyyəti müzakirə ediblər.

Rəşid Mustafazadə

Ölkə.Az