Almaniya Ukraynaya hərbi yardım göstərməyəcək

"Ukraynaya sözügedən münaqişədə hərbi yardımın göstərilməsi müzakirədə belə yoxdur"

Ölkə.Az Ukraynanın "Диалог" informasiya agentliyinə istinadən xəbər verir ki, Almaniya hökuməti Ukraynada münaqişənin həll edilməsi yolunda hərbi yardımın göstərilməsi barədə rəsmi cavab verib.

"Ukraynaya sözügedən münaqişədə hərbi yardımın göstərilməsi müzakirədə belə yoxdur", - deyə AFR hökumətinin rəsmi təmsilçisinin müavini bəyan edib.

Bir müddət əvvəl Ukraynanın xarici işlər naziri Pavel Klimkin Bild qəzetinə müsahibəsində Almaniyanı Ukraynaya hərbi qulluqçuların daşınması məqsədilə nəqliyyat vasitələri üçün dizel mühərriklərini təqdim etməyə çağırmışdı. Bundan əlavə, o, iddia edib ki, Rusiya yaxın zamanda ordunu köşürəcək və Ukrayna düşmən hücumuna hazır olmalıdır.

AFR-in nümayəndəsinin fikrincə, Klimkinin bütün iddialarına baxmayaraq, bu fikirlər əsassızdır və separatçı qüvvələrin qışda hücuma hazırlaşması barədə heç bir məlumat yoxdur.

Rəşid Mustafazadə

Ölkə.Az